Babilonia foi una antigua ciudá de la Baxa Mesopotamia. Ganó la so independencia dempués del periodu de la renacencia sumeria, anque hai menciones a la so esistencia dende tan ceo como Sargón de Akkad. Dempués de muncho tiempu guardando les lluches ente los estaos rexonales de Isín, Larsa y Yšnunna, Babilonia foi convirtiéndose adulces nuna potencia rexonal, primero sustituyendo’l papel que tuvieren Akkad o Kiš pa bien darréu convertise en capital d’un vastu imperiu sol mandatu de Hammurabi (sieglu XVIII e.C.). Dende entós convirtióse nun gran centru políticu, relixosu y cultural. Entá en dómina helenística, yá desaposiada del so segundu imperiu y cayida en desgracia frente a otres grandes ciudaes como Persépolis, Alexandru Magno quixo convertila na so capital. Nel añu 312 e.C. Seleuco I Nicátor treslladó la capitalidad del Imperiu seléucida a Seleucia, aposentada sobro’l ríu Tigris y non sobro’l Éufrates por rapidez de les nueves víes comerciales. Los babilonios fueron convidaos a camudar les sos residencies. Aquel día la ciudá entrara en franca decadencia, siendo abandonada pola mayoría de los sos habitantes poco dempués. A pesar d’ello dexóse-yos quedase a los sacerdotes de Bēl —rellacionaos col templu d’Añu Nuevu—, y la ciudá funcionó como residencia real mientres la ocupación parta.
|
|
|
|---|---|
 |
|
| Alministración | |
| País |  Iraq |
| Gobernaciones | Gobernación de Babilonia (es)  |
| Ciudá | Al-Hillah (es) |
| Tipu d’entidá | estáu desapaecíu |
| Xeografía | |
| Coordenaes | 32°32′30″N 44°25′54″E / 32.541781°N 44.431644°ECoordenaes: 32°32′30″N 44°25′54″E / 32.541781°N 44.431644°E |
Babilonia (ciudá)
Babilonia (ciudá) (Iraq)
|
|
| Demografía | |
| Fundación | 1894 edC |
 |
|
Babilonia
